Deserria ez da leku zehatz bat. Bakardadea da, biluzik sentitzea. Babesik gabe gelditzen diren sentipenen narrazioa da. Lurralde berrietan aukera berrien bila berriro altxatzea da.

Ekainaren 8an beren gorputzetan atzerriratuta bizi direnei etxeratzen lagunduko diegu, etorri eta itzuli ez zirenei, bidaia bera aberri bilakatu zutenei. Eñaut Elorrieta, Ken Zazpi taldeko liderra, bere bakarkako lehen lanarekin datorkigu, hau da, “Deserriko Kantak” diskoa besapean dakarrela. Berak idatzitako testuez gain, beste poeta eta idazleen lumetan konplizitatea aurkitu du. Batzuek jakin badakite deserriratze politikoa zer den (Joseba Sarrionandiak edo Joan Oliverek); beste batzuek atzerriratze poetikoari idatzi diote (Mario Benedetti, Harkaitz Cano, Bernardo Atxaga). Hain intimoa izanda ere, aldi berean gizartearen ahotan dagoen gaia beretzat hartu du Eñautek, bizitzea posible den lur eremu bat hitzez eta musikaz gordetzeko.

Kontzertu honek ikusleei bidaia egiteko gonbita dakarkie, beren barreneko kartografia zeharkatzen duten bide zidorrak ezagutzeko. Aberria eta atzerriratzea bezalako kontzeptuak emozioaren geografian loratuko dira. Entzun ditzagun etxerako bidea ezagutzen duten abestiok.

Data: 2013ko ekainaren 8a
Ordua: 20:00

Sarreren prezioa: 15 €

Sarrerak erosteko:
BBK Sala
BBKren orotarako kutxazainak
Sarreren salmentaren web-orrian

Festa giroko doinuak ahotan hartuta. Iraganeko erritmoak. Etorkizunekoak.

Ekaina hasteko hemengo abestiak ekarriko ditugu gogora, aspaldilko usaina daukatenak. Etorkizunari aurrez aurre begiratzen diotenak. Euskal folklorearen aberastasuna emango dugu ezagutzera. Hemengo abestigintzaren etorkizuneko izarrak igoko dira oholtzara. Abestirik onenaren saria nork irabaziko duen jakiteko garaia da. Ahotsik onena. Aspaldiko euskal abesti bat berreskuratzeko eginiko lana. 2013ko Haur Kantari Txapelketaren final bizkaitarraren ordua da.

Data: ekainaren 1a
Ordua: 18:30

Sarreren prezioa: 8€

Sarrerak erosteko:
BBK Sala
BBKren orotarako kutxazainak
Sarreren salmentaren web-orrian

Atlantikoko kresala Salako oholtzaraino heldu zaigu. Bidaia hasi duen abesti tristeak bisita egingo digu, herri mina duelako. Urrezko aroa bizi du arimaren kantuak eta zorte handia dugu gurean entzun dezakegulako. Fadoa, berriro, nabigazio bilakatuko da, arrisku, iragana eta etorkizuna, tradizioa eta modernitatea, hori guztia atlantikoko kantuaren sakoneko sustraiak berreskuratzeko.

Datorren maiatzaren 22an, fadoari buruz esan den guztia bilduta geldituko da bi nortasun eta ahots apartetan. Carmo Moniz Pereira, fadoa abesteko ezinbesteko ezaugarri den emozioz jantzitako ahots samurrarekin. Eta João Braga, poesiarekiko betidanik izan duen grina biziarekin eta kantatzean nabari zaion emozio sutsuarekin. Noites de Fado zikloaren parada berria dugu aurrez aurre, ontzia utzi eta lurreratzeko prest.

João Braga: ahotsa
Jose Luis Nobre Costa: Lisboako gitarra
Jaime Santos Jr: biola
Joel Pina: baxua

Data: 2013ko maiatzaren 22a
Ordua: 20:00

Sarreren prezioa: 22 €
Deskontua: %25 Kutxabank txartelekin (2 sarrera txarteleko)

Sarrerak erosteko:
BBK
BBKren orotarako kutxazainak
Sarreren salmentaren web-orrian

Aukera “parregabea”. Benetako antzerkiak Bilbon du hurrengo geltokia. “Joan-etorriko senarra” antzezlan aparta aurki BBK Salan.

Komedia korapilotsu dibertigarria eta, aldi berean, suspentsez jantzia, Enrique Jardiel Poncela antzezlan egilearen obra txalotuenetakoa bilakatu da. Aldi honetan, aktore adierazgarriak izango ditu oholtza gainean, Ricardo Franco buru dutela, Peperen istorioa kontatzen. Bihotzekoak eman aurretik hiltzear dela, Pepek bere lagun Pacori zin egiteko eskatzen dio bere emaztea Leticiarekin ez dela ezkonduko. Paco laguna izan bada, baina bere hitza ez du betetzen eta, ondorioz, Pepek itzuli beharra dauka harremanari amaiera ipintzeko.

Antzezlan honetan bildutakoa Etorkintza Fundazioari laguntzeko izango da.

Oihala zabaltzera doa.

Atoreak: Ricardo Franco, Carmen Gomeza, Iñaki Astigarraga, José Luis Neyro, Eli Anduiza, Mª Jesus Fernández, Fran Bilbao, Inge Gabiria, José Luis Cuesta, Begoña Aguirre, Nuria Muñoz, José Andrés Zalduegui, Gregorio Lizarralde, Pilar Echeberria eta Isabel de la Brena.

Data: 2013ko maiatzaren 23a
Ordua: 20:00

Sarreren prezioa: 20€ patioan / 15€ anfiteatroan

Sarrerak erosteko:
BBK Sala
BBKren orotarako kutxazainak
Sarreren salmentaren web-orrian

Kordobak flamenkoaren generoan toki berezia dauka, bere historiarengatik, kokapenarengatik eta bere herritarrengatik. Ziryabek laud modernoa erakutsi zuen hiria Andaluziako hiriburu ezberdinen arteko lotura gunea izan da, ezinbestekoa baita bertatik igarotzea Cadiz, Sevilla edo Malagatik Madrilera doazen bidaiarientzat eta, beraz, Andaluziako mendebaldea eta ekialdea bertan uztartzen dira.

XIX. mendearen erdian flamenko estilo desberdinak sortzen doazen ahala eta beren egileek antzoki eta kafetokietan erakusten dituzten einean, Kordoban miresmenez beterik hartzen dituzte genero berriok eta abesti bildumari hainbat ñabardura eta aldaketa eransten dizkiote, artisten gozamenerako.

Kordobako ‘alegriak’, melodiaz beteriko ‘cantiñak’, kutsu trianeroko ‘solea’ estilo ezberdinak, eta fandangoak, bai Lucenarenak nola a href=”http://cordobapedia.wikanda.es/wiki/Cayetano_Muriel” title=”Cayetano Muriel” target=”_blank”>Cayetano Murielenak edota Puente Genilgo alferrontziarenak, landako kantuak ahaztu barik.

Horiek guztiak izan dira flamenkoaren oinarri nagusiak. Fosforito maisuaren bideari jarraiki, Kordobako kantea flamenkoaren adierazpen gorenera iritsi da, eta Manuel Moreno Maya ‘El Pele’ du erakusle nagusia.

Hitzaldia: Faustino Núñez
Kantea: El Pele
Gitarra: Antonio Patrocinio

Data: 2013ko maiatzaren 15a
Ordua: 20:00

Sarreren prezioa: 15€
Deskontua: % 20 Kutxabank txartelekin (2 sarrera txarteleko)

Sarrerak erosteko:
BBK Sala
BBKren orotarako kutxazainak
www.salabbk.es

Soinuzko bi arimaren uztartze perfektua. Konplizitatea, angeluen jokoa eta doinu epelak. Zale sutsu gehien dituen folk taldeetako bat. Bi gizon eta helmuga bakarra, hori dira Phil Cunningham & Aly Bain: BBK Salan erakutsiko duten folk grinatsua.

Philek eskuko-soinuak miresmena eta begirunea merezi zituela erakustea lortu zuen. Bere musika bihotzaren sakonetik ateratzen da, pultsu makal eta tinbre biziarekin. Bere akorde zurrunbiloek eta soinu apainek musika eskoziarrari behar duen sona eman diote, doan tokira joanda harrotasunez agertu dadin. Phil musika tradizionalaren enbaxadorea da, etormen handikoa, umorez jantzia, berak eta Shetland Aly Bain biolin joleak une ahaztezinak emango dizkigute. Jotzen maila gorena du Alyk. Bere generoan musikari bakana da, beti pasioz jantzita eta estilo garbian jotzen du, inork ez duen tonoarekin.

Taldeak jarraitzaile sutsu andana du mundu osoan, lan handiz lortutako miresleak, guztiak ere. Folk sukarra letra larrietan.

Data: 2013ko maiatzaren 19a
Ordua: 20:00

Sarreren prezioa: 12€
Deskontua: 3 € Kutxabank txartelekin (2 sarrera txarteleko)

Sarrerak erosteko:
BBK Sala
BBKren orotarako kutxazainak
Sarreren salmentaren web-orrian

Berriki suteak kaltetutakoei laguntzeko kontzertu solidarioa egingo da, Bilboko Kontserbatorio Koraleko Euskeria Abesbatzaren eta “Jesus Guridi” Orkestraren eskutik. Egitarauak Bartok, Bach, Sarasate eta Betthoven bezalako egileek orkestrentzat sortutako lanak eskainiko ditu bai eta Vivaldiren “Gloria” ere. Ospe handiko talde honen ezaugarriak zehaztasuna eta freskotasuna dira baina, batik bat, erakusten duen konpromisoak bereizten du. Arrazoi on batengatik izango da. Zure zain gara.

Bermeon izandako suteak kaltetutakoen alde.
Zero-lerroa: BBK 2095 0463 90 9112768511

Data: 2013ko maiatzaren 11a
Ordua: 20:00

Sarreren prezioa: 10 €

Sarrerak erosteko:
BBK Sala
BBKren orotarako kutxazainak
Sarreren salmentaren web-orrian

Egitaraua ikusteko jarri kurtsorea egun bakoitzaren gainean. Deskargatu hemen.

Betea dator. Jardueraz eta zorionez gainezka. Maiatza da eta zurea da.

Futbola eta krispetak ditugu hasteko.Maiatzaren 1, 2, 3 eta 4an “Thinking Football Film Festival”. Honakoak ikusiko ditugu: “Football Under Cover”; “Eisern Verein”; “Los últimos proletarios del fútbol”; “El equipo pequeño”; “Soka Afrika”, Afrikan futbolak bizi duen benetako egoeraren gainekoa; “Tom meets Zizou” Alemaniako futbolean etorkizun handiena zuen Thomas Broich jokalariaren itxaropen eta desilusioekin; “The other Chelsea”; “Informe Robinson” bere atal interesgarrienekin; “Once in a lifetime”; eta amaitzeko “The four year plan” zalapartatsua.

Hilaren 5ean, igandean, Kuunkuiskaajat taldearen lasaitasuna eta poza izango ditugu. Biharamunean, udaberriari benetako omenaldia egingo zaio, Verdi eta Sorozabal inspirazio iturri hartuta, Bizkaiko XI. Musika Udaberrian.

7, 15 eta 29an BBK Flamenko Zikloaren ekitaldi berria hasiko da. Flamenkoaren gai eta adar desberdinak aztertuko ditugu arimaz eta gorputzez, Carmen Amayari eskainiko zaion omenaldiaz gain. Honako hauek esku hartuko dute: David Peña, Manuel Moreno Maya “El Pele”, Paco del Pozo eta Juan Antonio Suarez “Cano”, Manuel Moneo, Mercedes Ruiz, David Lagos eta Santiago Lara.

8an Katia Guerreiro eta Noites De Fadoren bigarren ekitaldia dator, genero honek egun duen kantari nagusietako batekin. Fadoaren ikur nagusia da, zalantza barik, bere ahotsa erraza da ezagutzen, sakonetik baitator, sustrai usainarekin.

Ostegunean, hilaren 9an, urteko hitzorduetako bat berritzaile izaera duen izar batekin: Jan Harbeck. 10ean Fant 19 Bilboko Fantasiazko Zinema jaialdiaren sariak gurean emango dira. 11an Bilboko abesbatzak emozioz beteriko omenaldia egingo die Bermeoko sutean kaltetutakoei.

16an kondairazko izar bat Salan, Donovan. Aurreko mendean mundu erdia liluratu zuen folk atsegina erakustera dator. 19an arima beretsua duten bi musikariren bateratzea: Phil Cunningham eta Aly Bain.

Fadoa nabigazioa, arriskua, iragana eta etorkizuna, ohitura eta modernitatea da. Eta hori guztia hilaren 22an izango da BBK Salan, João Bragaren kantu atlantiarra oholtzara igotzen denean. Hilaren 23an eros ezazu “Un marido de ida y vuelta”. obra ikusteko sarrera. Bildutako dirua Etorkintza Fundazioari laguntzeko izango da. Hilabetea gizateariari BBK Salan egingo zaion epaiketarekin amaituko dugu. Hilaren 24an “Juicio a los humanos”.

(Egin klik irudian maiatzan BBK Salak duen agenda xehetasun handiagoz ikusteko).

Pianoa zabalik. Klasikoei gainbegiratua estalkia kenduta datorren kontzertuan. BBK Salako lehioak parez pare zabaldu eta betiko flamenko doinuak sartuko zaizkigu, egungo ikuspegiarekin. Maiatzaren 7an, asteartea, BBK Flamenkoa zikloa zabalduko dugu David Peña “Dorantes” piano jotzailearen “A piano abierto” ikuskizunarekin. Bere lehen diskoan betiko klasikoak hartu eta berriro asmatu ditu. Lan horretarako kide izan ditu Jesús Méndez kantaria eta Pastora Galván dantzaria.

Montrealeko jazz jaialdia berak zabaldu zuen eta sekulako txalokada jaso zuen. Dorantes pianojole flamenko bitxiak eginiko ikuskizun honen musikak mestizaia du helburu, baina ez dio uko egiten flamenkoaren oinarri tradizionalari. Lorategi honetan flamenkoa da nagusi baina jazz usaina ere sumatzen da, erritmo flamenkoetan nagusi den indar tragikoaz gain, betiko melodietara garamatzaten bide zidorretan barna. Kritikak mirestua eta hainbat sariren irabazlea, Dorantes benetako izarra da, ijitua, pianojolea, flamenkoaren disdira.

Pianoa: Dorantes
Kantea: Jesús Méndez
Dantza: Pastora Galván
Kontrabaxua: Francis Pose
Perkusioak: Javi Ruibal

Data: maiatzaren 7a
Ordua: 20:00

Sarreren prezioa: 15 euro
Deskontua: %20ko deskontua Kutxabank txartelekin (2 sarrera txarteleko)

Sarrerak erosteko:
BBK Sala
BBKren orotarako kutxazainak
Sarreren salmentaren web-orrian

Musikaren historian izan den talde handienetako batekin gozatzeko aukera dugu, kondairazko hitzordua dugu aurrez aurre.

The Troggs, Ingalaterrako Pop Beat Rock talde gaztea zen 60eko hamarkadan eta mundu osoko zerrendak hankaz gora ipini zituen “Wild Thing” bezalako arrakastekin. Bere abesti ezagunen artean dira, besteak beste, “Can’t control myself”, “With a Girl like you” o “Love is all around”.

“Wild thing” Atlantikoaren alde bietan arrakasta itzela izan zen eta beste hainbat artistek ere doinuaren bertsioak egin zituzten, tartean Jimi Hendrixek edo Bruce Springsteenek. 90eko hamarkadan The Troggs taldeak bultzakada berria jaso zuen, R.E.M. taldearekin diskoa grabatzera iritsi ziren eta “Wet Wet Wet” taldeak beraien “Love is all Around” abestiaren bertsioa egin zuen. Abesti hau zerrendetako lehen postuan kokatu zen 15 aste luzetan, eta Hugh Grant aktoreak egin zuen “Lau ezkontza eta hileta bat” filmeko doinu nagusia izan zen.

Kondairazko hitzordu berria duzu, riff ahaztezinekin eta ahots sakonekin. Hori guztia taldeko buru zen Reg Presley omentzeko, aurten, urte hasieran hil baita.

Data: 2013ko ekainaren 25a
Ordua: 20:00

Sarreren prezioa: 20 euro
Deskontua: %20 Kutxabank txartelekin (2 sarrera txarteleko)

Sarrerak erosteko:
BBK Sala
BBKren orotarako kutxazainak
Sarreren salmentaren web-orrian